ИНДИВИДУАЛНИ ЧАСОВИ ПО КРЕАТИВНО ПИШУВАЊЕ

„ПО ПРИРОДНИОТ ТЕК НА НЕШТАТА“

Човечкото тело е 60% вода, човечката душа е 100% приказни. Ние сме составени од приказни: ги носиме со себе и ги чуваме, или ги раскажуваме и споделуваме. Но, што кога би седнале да ги запишеме? Тоа би била една голема приказна, или повеќе мали? Тоа би било роман, или повеќе кратки раскази? Можеби писмо?… Пишувањето може да се чини како голем предизвик, особено ако имаме намера да пишуваме за себе, или за нешта што особено ни значат. Но, пишувањето може да биде и преобразувачко и забавно патување, а крајниот исход да биде бесценет.

Што значи да се пишува креативно и „По природниот тек на нештата“?

🗸 Да се биде љубопитен за наратологија и за различни техники на пишување (автофикциска*) проза

🗸 Да се биде отворен за терминологија од полињата на психологијата и од религијата, за изрази од гешталтот и од феноменологија, за имиња од поп-културата…

🗸 Да се биде подготвен за длабока интроспекција и за храбро (себе)преиспитување

🗸 Да се биде во најмала рака толерантен кон различни духовни учења: Христијанство, Ислам, Хиндуизам

🗸 Да се биде свесен дека пишувањето е еден пат до лична и до колективна добросостојба

*автофикција: спој на автобиографија и фикција

Што може да се очекува од часовите по креативно пишување „ППТНН“?

🗸 да се стекнат знаења од наратологијата: видови ликови, видови конфликт, видови раскажувач…

🗸 да се стекнат знаења од различни техники на пишување: „кат-ап“, „ехо“, „заземјување“, „зачини“…

🗸 да се стекнат познавања од домашната и од светската книжевност

🗸 да се изработи „мапа“ на сопствената личност (и „мапи“ за други лица), за храбро (себе)преиспитување

🗸 да се напише расказ (автофикција или фикција)

Од што се состои блокот часови по креативно пишување автофикциска проза „ППТНН“?

1. Час 1 на 1 (онлајн или во живо. Траење: 90 мин.)

🗸 теорија и вежби по креативно пишување

🗸 разговори за *системот* од чувства и состојби „по природниот тек на нештата“

2. Домашна работа:

🗸 Читање расказ од друг автор

🗸 Пишување сопствен текст

3. Час 1 на 1 (онлајн или во живо. Траење: до 60 мин.)

🗸 Разговор за прочитан краток расказ

🗸 Уредување сопствен напишан текст

Средбите по креативно пишување

„по природниот тек на нештата“

ги нарекуваме и „пловидби“.

Живко Грозданоски е писател, водич по креативно пишување и актуелен претседател на Друштвото на писателите на Македонија

Автофикцискиот роман „Писмо за Глорија“ во финалето за наградата „Роман на годината“

за 2022 г. на фондацијата „Славко Јаневски“.

Содржина на осумте пловидби

Пловидба бр. 1 - Спореден лик

🗸 Автофикција: поим

🗸 „Лик“ наспроти „личност“

🗸 Хорхе Луис Борхес: слоевите на идентитетот (т. е. за класификациите)

🗸 Глорија Анзалдуа: есенцијалната свест

🗸 „Намасте“ наспроти „излевањето на благодатта“

🗸 Креирање прост спореден лик

Пловидба бр. 2 - Главен лик

🗸 „Огледувањето“ на свеста: во Христијанството, во Исламот и во Хиндуизмот

🗸 Трите начини на реагирање (и повторно за класификациите)

🗸 Видови ликови: според „Дон Кихот“

🗸 Противречноста како одлика на сложениот лик (интроспекција)

🗸 Сеќавање во прво и сеќавање во трето лице еднина

🗸 Креирање сложен главен лик

Пловидба бр. 3 - Конфликт

🗸 Шест видови конфликт во книжевноста

🗸 Пирамидата „по природниот тек на нештата“ (и по третпат за класификациите)

🗸 ППТНН: „Немир“

🗸 Гешталт: „повторување и претерување“

🗸 Џемс Џојс и „тек на свеста“ (книжевна техника)

🗸 Пишување „во слободен пад“

Пловидба бр. 4 - Дијалог

🗸 ППТНН: „Немир“ наспроти „Смиреност“ (и *дишењето* како премин)

🗸 ППТНН: „Љубопитност“ (и можности) наспроти „Предрасуда“ (и очекувања)

🗸 ППТНН: Седумте вредности и трите модуси на Љубопитноста (и по четврт пат за класификациите)

🗸 Едмунд Хусерл и *Љубопитноста* како основен човеков инстинкт

🗸 ППТНН: од „Разбирање“ (наспроти „заблуда“) до „Милост“ (наспроти „осуда“)

🗸 Гешталт: „празно столче“ (*Дијалог*)

🗸 Два вида дијалог кај пишувањето проза и четири шаблони за пишување директен дијалог

🗸 Мотивите на ликовите (одбранбени механизми на личноста)

Пловидба бр. 5 - Писмо

🗸 ППТНН: „Прошка“, разговор

🗸 Јулија Кристева и пишувањето како простување

🗸 ППТНН: од „Љубов“ до „Благодарност“

🗸 ППТНН: „Служење“

🗸 Пишување писмо

Пловидба бр. 6 - Уредување: „Кат-ап“

🗸 Одлики на модернистичката книжевност и автори од Модернизмот

🗸 Одлики на постмодернистичката книжевност и автори од Постмодернизмот

🗸 Дејвид Бауи, Тристан Цара и Вилијам С. Бароуз: „кат-ап“ техника

🗸 Нарација во 3то лице и петте „теми“ кај нарацијата (и по шести пат, за класификациите)

🗸 Фабула и сиже

Пловидба бр. 7 - Уредување: „Ехо“, „Зачини“

🗸 Уредување напишан текст и нарација во трето лице (пет теми)

🗸 Уредување напишан текст: додавање „ехо“.

🗸 Уредување напишан текст: додавање „зачини“.

Пловидба бр. 8 - Читање на напишаните раскази

🗸 Читање на напишаните раскази, финални предлози

За која возраст се предвидени часовите?

🗸 Часовите по креативно пишување ППТНН можат да ги следат лица што имаат 16 или повеќе години (оние од 16 до 19 по разговор со и со согласност од возрасно лице)

Која е цената на индивидуалните часови по креативно пишување „по природниот тек на нештата“?

🗸 2.000 ден. (две илјади денари. За редовни сопатници, за блок од 2 часа: еден за теорија и вежба, и еден за анализа и уредување напишан текст).

🗸 ≥3.000 ден. (три илјади денари, или друг износ по избор на сопатникот-поддржувач, за блок од 2 часа: еден за теорија и вежба, и еден за уредување на напишаниот текст). Поддржувачите имаат пристап до дополнителни материјали, и други придобивки.