Живко Грозданоски (Кичево, 1986) завршил средно обра-зование во Американската гимназија „НОВА“ во Скопје (2005), а дипломирал на катедрата по Италијанистика на Филолошкиот факултет „Блаже Конески“ во Скопје (2009). Автор е на една збирка поезија и на пет прозни книги: „Отпечатоци врз коцки мраз“ (Темплум, 2009, и 2016 второ дополнето издание), „Приказни за тревите“ (Антолог, 2011), „Куфер за тројца“ (Или-или, 2014), „Последното име на иднината“ (Антолог, 2018) и „50 раскази (избор од 10 збирки раскази)“ под псевдонимот Жил Менар. Застапен е во тринаесетина антологии и избори на десетина јазици. Ја приредил тријазичната антологија „Да сум на твое место“ на македонски, грчки и англиски јазик („Булевар Ослободување“, 2020). Преведува и препејува од и на италијански јазик. Учествувал на меѓународни студиски престои, гостувања и книжевни резиденции во САД, Италија, Франција, БИХ и во други земји. Во 2006 година во Косовска Митровица го снимил краткиот документарец “In cage” кој следната година бил прикажан на Филмскиот фестивал во Кан (“Critics’ Week” 2007). Ангажиран е како уредник на списанието „Стожер“ на Друштвото на писателите на Македонија.