„Песок и свила“ (2005)

  Во 1958 година, на осумнаесетгодишна возраст, италијанскиот кантавтор Фабрицио де Андре објавува синглица која години подоцна ќе ја нарече „младешки грев“. Во една прилика, пак, на прашањето дали се смета за поет или за кантавтор, Де Андре вели: „Според Бенедето Кроче, до осумнаесетата година поезија пишуваат сите. Откако ќе наполнат осумнаесет години, поезија продолжуваат да пишуваат само два типа луѓе: поети и кретени. Јас, за секој случај, претпочитам да се сметам за кантавтор“.

    „Песок и свила“ е објавена на возраст од 18 години, во четврта година гимназија. И иако во фиоката имам уште по некој ваков младешки грев, јас, за секој случај, претпочитам да се сметам за прозаист.